ನಾಯಕ ಸ್ಥಾನದಿಂದ ಕೊಹ್ಲಿಯನ್ನು ಕೆಳಗಿಳಿಸಿದ ಬಿಸಿಸಿಐ
Pratyakshanadu
Dec 10, 2021 10:18
540
0
ಹೊಸದಿಲ್ಲಿ: ಭಾರತ ಏಕದಿನ ಕ್ರಿಕೆಟ್ ತಂಡದ ನಾಯಕತ್ವದಿಂದ ವಿರಾಟ್ ಕೊಹ್ಲಿಯನ್ನು ತೆಗೆದು ಹಾಕಲಾಗಿದೆ. ನಿನ್ನೆ(ಬುಧವಾರ) ಬಿಸಿಸಿಐ ವಿರಾಟ್ ಕೊಹ್ಲಿ ಅವರನ್ನು ನಾಯಕತ್ವದಿಂದ ಕೆಳಗಿಳಿಸಿದ್ದಲ್ಲದೆ ರೋಹಿತ್ ಶರ್ಮಾ 2023ರ ವಿಶ್ವಕಪ್ ತನಕ ಭಾರತದ ಸೀಮಿತ ಓವರ್ ನಾಯಕನಾಗಿರುತ್ತಾರೆ ಎಂದು ಪ್ರಕಟಿಸಿತು. ಈಗಾಗಲೇ ಟ್ವೆಂಟಿ-20 ನಾಯಕತ್ವವನ್ನು ತ್ಯಜಿಸಿರುವ ಕೊಹ್ಲಿ ಏಕದಿನ ನಾಯಕತ್ವದಿಂದ ಸ್ವಯಂಪ್ರೇರಿತರಾಗಿ ಕೆಳಗಿಳಿಯಲು ಬಿಸಿಸಿಐ ಕಳೆದ 48 ಗಂಟೆಗಳ ಕಾಲ ಕಾದಿತ್ತು ಎಂದು ತಿಳಿದುಬಂದಿದೆ. ಆದರೆ ಕೊಹ್ಲಿ ಹಾಗೆ ಮಾಡಲಿಲ್ಲ. 49ನೇ ತಾಸಿನ ವೇಳೆಗೆ ಕೊಹ್ಲಿ ಅವರ ಸ್ಥಾನಕ್ಕೆ ರೋಹಿತ್ ಶರ್ಮಾರನ್ನು ನೇಮಿಸಿರುವ ಬಿಸಿಸಿಐ ದಿಲ್ಲಿ ಆಟಗಾರನಿಗೆ ಚಾಟಿ ಬೀಸಿದೆ. ಕೊಹ್ಲಿಯನ್ನು ವಜಾಗೊಳಿಸಲಾಗಿದೆ ಎಂದು ಬಿಸಿಸಿಐ ತನ್ನ ಹೇಳಿಕೆಯಲ್ಲಿ ತಿಳಿಸಲಿಲ್ಲ. ಆಯ್ಕೆ ಸಮಿತಿಯು ರೋಹಿತ್ ಅವರನ್ನು ಏಕದಿನ ಹಾಗೂ ಟ್ವೆಂಟಿ-20 ತಂಡಗಳ ನಾಯಕನನ್ನಾಗಿ ಹೆಸರಿಸಲು ನಿರ್ಧರಿಸಿದೆ ಎಂದು ಬಿಸಿಸಿಐ ಟ್ವೀಟಿಸಿತ್ತು. ತವರಿನಲ್ಲಿ ನಡೆಯಲಿರುವ 2023ರ ಏಕದಿನ ವಿಶ್ವಕಪ್ ನಲ್ಲಿ ಭಾರತವನ್ನು ಮುನ್ನಡೆಸುವ ಮಹತ್ವಾಕಾಂಕ್ಷೆಯನ್ನು ಹೊಂದಿದ್ದ ಕೊಹ್ಲಿಯವರನ್ನು ಬಿಸಿಸಿಐ ಹಾಗೂ ಅದರ ರಾಷ್ಟ್ರೀಯ ಆಯ್ಕೆ ಸಮಿತಿ ವಜಾಗೊಳಿಸಿದೆ. ಸದ್ಯ ಬಿಸಿಸಿಐ ನಿರ್ಣಯವನ್ನು ಕೊಹ್ಲಿ ಒಪ್ಪಿಕೊಳ್ಳಲೇಬೇಕು.
