ಬೆಂಗಳೂರು: ಲೆಹೆಂಗಾ ಒಳಗೆ ಇತ್ತು ಲಕ್ಷಾಂತರ ಬೆಲೆಯ ಡ್ರಗ್

ಬೆಂಗಳೂರು: ಬೆಂಗಳೂರು ನಗರದ ಎನ್‌ಸಿಬಿ ಟೀಂ ಭರ್ಜರಿ ಬೇಟೆಯಾಡಿದೆ. ಲೆಹೆಂಗಾ ದಿರಿಸಿನ ಫಾಲ್ಸ್‌ನಲ್ಲಿ ಇಟ್ಟು ಸಾಗಿಸಲಾಗುತ್ತಿದ್ದ ಮಾದಕ ವಸ್ತುವನ್ನು ಮತ್ತೆ ಹಚ್ಚಿದ್ದಾರೆ. ಎರಡು ಪ್ರತ್ಯೇಕ ಪ್ರಕರಗಳನ್ನು ಬೇಧಿಸಿರುವ ಎನ್‌ಸಿಬಿ ಪೊಲೀಸರು, ಆರೋಪಿಗಳನ್ನು ಬಂಧಿಸಿದ್ದಾರೆ. ಹೈದರಾಬಾದ್‌ನಿಂದ ಆಸ್ಟ್ರೇಲಿಯಾಗೆ ಲೆಹೆಂಗಾದದಲ್ಲಿ ಹೈ ಎಂಡ್ ಡ್ರಗ್ ಸಾಗಿಸಲಾಗುತ್ತಿತ್ತು. ಈ ವೇಳೆ ದಾಳಿ ನಡೆಸಿದ ಎನ್‌ಸಿಬಿ ಪೊಲೀಸರು ಲಕ್ಷಾಂತರ ರೂ.ಮೌಲ್ಯದ ೩ ಕೆಜಿ ಸಿಡೊಫಿಡ್ರೈನ್ ಡ್ರಗ್ ಜಪ್ತಿ ಮಾಡಲಾಗಿದೆ. ಡ್ರಗ್ ಮರೆಮಾಚಲು, ಲೆಹೆಂಗಾದ ಫಾಲ್ಸ್ ಲೈನ್ ಭಾಗದಲ್ಲಿ ಸ್ಟಿಚ್ ಮಾಡಿ ಒಳಗಡೆ ಡ್ರಗ್ ಇಡಲಾಗಿತ್ತು. ಹಾಗೂ ನಕಲಿ‌ ವಿಳಾಸದ ದಾಖಲಾತಿ ನೀಡಿ ಡ್ರಗ್ ಸಾಗಾಟ ಮಾಡಲಾಗುತ್ತಿತ್ತು. ಈ ಪ್ರಕರಣದಲ್ಲಿ ಓರ್ವ ಆರೋಪಿಯನ್ನು ಬಂಧಿಸಲಾಗಿದೆ. ಇದೇ ರೀತಿ ಇನ್ನೊಂದು ಪ್ರಕರಣದಲ್ಲಿ ದೇವನಹಳ್ಳಿ ಟೋಲ್ ಬಳಿ‌ ಮತ್ತೊಂದು ಕೇಸ್ ಪತ್ತೆ.. ಆಂಧ್ರ ಪಾಸಿಂಗ್ ನ ಶಿಫ್ಟ್ ಕಾರ್ ನಲ್ಲಿ ಡ್ರಗ್ ಸಾಗಾಟ ಮಾಡುತ್ತಿದ್ದ ಒಟ್ಟು ನಾಲ್ವರು ಆರೋಪಿಗಳನ್ನು ಬಂಧಿಸಲಾಗಿದೆ. ಈ ಪ್ರಕರಣದಲ್ಲಿ ಮುಖ್ಯ ಪೆಡ್ಲರ್ ವಿಶಾಖಪಟ್ಟಣ ಮೂಲದವ ಎಂದು ತಿಳಿದು ಬಂದಿದೆ. ಉಳಿದ ಮೂವರು ಬಿಹಾರ್ ಮತ್ತು ಆಂಧ್ರ ಮೂಲದ ಆರೋಪಿಗಳಾಗಿದ್ದಾರೆ. ಬೆಂಗಳೂರಿನಿಂದ ಹೈದ್ರಾಬಾದ್ ಗೆ ಸ್ವಿಫ್ಟ್ ಕಾರ್‌ನಲ್ಲಿ ಎಂಡಿಎಂ ಪಿಲ್ಸ್, ಮಿಥಾಫಿಟಮೈನ್ & ಮಿಥಾಕೋಲೋನ್ ಮಾದಕವನ್ನು ಇವರು ಸಾಗಿಸುತ್ತಿದ್ದರು ಎನ್ನಲಾಗಿದೆ. ವಿಶಾಖಪಟ್ಟಣ ಮೂಲದ ಡ್ರಗ್ ಸಪ್ಲೈಯರ್ ಮನೆಯಲ್ಲಿಯೂ ಶೋಧ ಕಾರ್ಯಾಚರಣೆ ನಡೆದಿದೆ. ಈ ವೇಳೆ ಒಳ್ಳೆ ತಳಿಯ ಗಾಂಜಾ ಪತ್ತೆಯಾಗಿದೆ. ಈ ಕೇಸ್‌ನ ಮುಖ್ಯ ಪೆಡ್ಲರ್, ಬೆಂಗಳೂರು ಮೂಲದ ವ್ಯಕ್ತಿಯಿಂದ ವಿವಿಧ ಬಗೆಯ ಡ್ರಗ್ ತರಿಸಿಕೊಳ್ಳುತ್ತಿದ್ದ ಎನ್ನಲಾಗಿದೆ. ಬಳಿಕ‌ ಹೈದರಾಬಾದ್ ನಗರದ ಪಾರ್ಟೀಸ್, ಪಬ್ ಹಾಗೂ ಇನ್ನಿತರ ಇವೆಂಟ್‌ಗಳಲ್ಲಿ ಮಾರಾಟ ಮಾಡುತ್ತಿದ್ದ ಎಂಬ ಮಾಹಿತಿ ತನಿಖೆ ವೇಳೆ ತಿಳಿದುಬಂದಿದೆ. ಸದ್ಯ ಎನ್‌ಸಿಬಿಯಿಂದ ತನಿಖೆ ಮುಂದುವರೆದಿದೆ.