ಬೆಂಗಳೂರು: ಕೊರೊನಾ ರೂಲ್ಸ್ ಬ್ರೇಕ್- ಮಾರ್ಷಲ್‌ಗಳಿಂದ 15 ಕೋಟಿ ರೂ. ದಂಡ ವಸೂಲಿ
Pratyakshanadu
Jan 29, 2022 10:31
530
0
ಬೆಂಗಳೂರು: ಕೋವಿಡ್ ನಿಯಮ ಉಲ್ಲಂಘಿಸಿದವರಿಂದ ಈವರೆಗೆ ಸುಮಾರು ಸಿಲಿಕಾನ್ ಸಿಟಿ ಬೆಂಗಳೂರಿನ 198 ವಾರ್ಡ್‌ಗಳಿಂದ ಈವರೆಗೆ ಸುಮಾರು 15 ಕೋಟಿ ರೂ. ಕೋವಿಡ್ ಸಂಬಂಧಿಸಿದ ದಂಡ ವಸೂಲಿ ಮಾಡಲಾಗಿದೆ. ಕೋವಿಡ್ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರವು ಕಟ್ಟುನಿಟ್ಟಿನ ಕ್ರಮಗಳನ್ನು ಜಾರಿಗೆ ತಂದಿದ್ದು, ಮಾಸ್ಕ್ ಧರಿಸುವುದು ಮತ್ತು ಸಾಮಾಜಿಕ ಅಂತರ ಕಾಪಾಡಬೇಕೆಂದು ರಾಜ್ಯ ಸರ್ಕಾರವು ಮಾರ್ಷಲ್ಗಳನ್ನು ನೇಮಿಸಿತ್ತು. ಸಿಲಿಕಾನ್ ಸಿಟಿಯ 198 ವಾರ್ಡ್ಗಳಲ್ಲಿ 260ಕ್ಕೂ ಹೆಚ್ಚು ಮಾರ್ಷಲ್ಗಳು ಕಾರ್ಯಾಚರಣೆ ನಡೆಸುತ್ತಿದ್ದು, ಕೋವಿಡ್ ರೂಲ್ಸ್ ಬ್ರೇಕ್ ಮಾಡುವವರ ಮೇಲೆ ಹದ್ದಿನ ಕಣ್ಣಿಟ್ಟಿದ್ದಾರೆ. ಪ್ರತಿ ವಾರ್ಡ್ನಲ್ಲೂ ಮಾರ್ಷಲ್ಗಳು ಎಡೆಬಿಡದೆ ಗಸ್ತು ತಿರುಗುತ್ತಿದ್ದಾರೆ. ನಗರದಲ್ಲಿ ಕಳೆದ 21 ತಿಂಗಳಲ್ಲಿ 14,66,55,441 ರೂ.ದಂಡ ಸಂಗ್ರಹ ಮಾಡಲಾಗಿದೆ ಎಂದು ಬಿಬಿಎಂಪಿ ಅಧಿಕಾರಿಗಳು ತಿಳಿಸಿದ್ದಾರೆ.
