ಮಾಲ್ಡೀವ್ಸ್‌ಗೆ ಸೆಡ್ಡು - ಲಕ್ಷದ್ವೀಪದಲ್ಲಿ ಟಾಟಾ ಗ್ರೂಪ್‌ನಿಂದ 2 ತಾಜ್ ಬ್ರಾಂಡೆಡ್ ನಿರ್ಮಾಣಕ್ಕೆ ಒಪ್ಪಂದ

ನವದೆಹಲಿ : ಪ್ರಧಾನಿ ಮೋದಿ ವಿರುದ್ಧ ಮಾಲ್ಡೀವ್ಸ್ ನ ಮೂವರು ಸಚಿವರು ಅವಹೇಳನಕಾರಿ ಹೇಳಿಕೆ ನೀಡಿದ್ದು, ಮಾಲ್ಡೀವ್ ವಿರುದ್ಧ ಬಾಯ್ಕಾಟ್ ಅಭಿಯಾನ ಶುರುವಾಗಿದೆ. ಸೆಲೆಬ್ರಿಟಿಗಳು, ಬಾಲಿವುಡ್ ತಾರೆಯರು, ಕ್ರೀಡಾಪಟುಗಳು ಮಾಲ್ಡೀವ್ಸ್ ವಿರುದ್ಧ ಆಕ್ರೋಶ ಹೊರ ಹಾಕಿದ್ದಾರೆ. 

ನಮ್ಮ ದೇಶದಲ್ಲೇ ಸುಂದರ ತಾಣಗಳಿವೆ. ಅಲ್ಲಿಗೆ ಹೋಗೋಣ ಮಾಲ್ಡೀವ್ಸ್‌ನ್ನು ಬಾಯ್ಕಾಟ್ ಮಾಡೋಣ ಎಂದು ಕಿಡಿ ಕಾರಿದ್ದಾರೆ. ಅಲ್ಲದೇ, ನಮ್ಮದೇ ಲಕ್ಷದ್ವೀಪ ಮಾಲ್ಡೀವ್ಸ್‌ಕ್ಕಿಂತ ಬಹಳ ಸುಂದರ ತಾಣವಾಗಿದೆ. ಅದನ್ನು ಅಭಿವೃದ್ದಿ ಮಾಡೋಣ ರಜಾ ದಿನಗಳನ್ನು ಕಳೆಯಲು ಪ್ರವಾಸಿ ತಾಣವನ್ನಾಗಿ ಮಾರ್ಪಡಿಸಬೇಕು ಎಂದು ಹಲವು ನಟರು ಹಾಗೂ ಕ್ರೀಡಾಪಟುಗಳು ಸರ್ಕಾರಕ್ಕೆ ಆಗ್ರಹಿಸಿದ್ದಾರೆ. 

ಈ ಹಿನ್ನೆಲೆಯಲ್ಲಿ ಟಾಟಾ ಗ್ರೂಪ್‌ನ ಆತಿಥ್ಯ ವಿಭಾಗದ ಭಾಗವಾಗಿರುವ ಇಂಡಿಯನ್ ಹೋಟೆಲ್ಸ್ ಕಂಪನಿ ಲಕ್ಷದ್ವೀಪದ ಸುಹೇಲಿ ಮತ್ತು ಕಡ್ಮತ್ ದ್ವೀಪಗಳಲ್ಲಿ ಎರಡು ತಾಜ್-ಬ್ರಾಂಡ್ ರೆಸಾರ್ಟ್‌ ತೆರೆಯಲು ಒಪ್ಪಂದಗಳಿಗೆ ಸಹಿ ಹಾಕಿದೆ. 

2026 ರಲ್ಲಿ ತೆರೆಯಲು ಸಜ್ಜಾಗಿರುವ ಈ ರೆಸಾರ್ಟ್‌ಗಳು ಸುಸ್ಥಿರತೆ ಮತ್ತು ಸೂಕ್ಷ್ಮ ದ್ವೀಪ ಪರಿಸರ ವ್ಯವಸ್ಥೆಯ ಸಂರಕ್ಷಣೆಗೆ ಬದ್ಧತೆಯನ್ನು ಒತ್ತಿ ಹೇಳುತ್ತವೆ. ಭಾರತದ ಅತಿದೊಡ್ಡ ಆತಿಥ್ಯ ಕಂಪನಿಯಾಗಿ, ಐಎಚ್‌ಸಿಎಲ್ ಈ ಸಹಿಗಳನ್ನು ತನ್ನ ನವೀನ ಮತ್ತು ಪ್ರವರ್ತಕ ಮನೋಭಾವಕ್ಕೆ ಸಾಕ್ಷಿಯಾಗಿ ನೋಡುತ್ತದೆ. ರಾಜಸ್ಥಾನ, ಕೇರಳ, ಗೋವಾ ಮತ್ತು ಅಂಡಮಾನ್‌ನಂತಹ ತಾಣಗಳ ಜಾಗತಿಕ ಜನಪ್ರಿಯತೆಗೆ ಯಶಸ್ವಿಯಾಗಿ ಕೊಡುಗೆ ನೀಡಿದ ನಂತರ, ಕಂಪನಿಯು ಈಗ ಪ್ರಯಾಣಿಕರಿಗೆ ವಿಶಿಷ್ಟ ಮತ್ತು ಪರಿಸರ ಪ್ರಜ್ಞೆಯ ಅನುಭವವನ್ನು ನೀಡುವ ಗುರಿಯನ್ನು ಹೊಂದಿದೆ. 

ಈ ಕಾರ್ಯತಂತ್ರದ ಕ್ರಮವು ಲಕ್ಷದ್ವೀಪವನ್ನು ಭಾರತೀಯ ಪ್ರವಾಸಿಗರಿಗೆ ಪ್ರಮುಖ ರಜಾ ತಾಣವಾಗಿ ಉತ್ತೇಜಿಸಲು, ವಿಶೇಷವಾಗಿ ಭಾರತ ಮತ್ತು ಮಾಲ್ಡೀವ್ಸ್ ನಡುವಿನ ಸಂಬಂಧಗಳು ಹದಗೆಟ್ಟಿರುವ ಹಿನ್ನೆಲೆಯಲ್ಲಿ ಈ ಒಪ್ಪಂದ ಮಹತ್ವ ಪಡೆದುಕೊಂಡಿದೆ.